सप्तरी – नेपालमा थप ३ हजार ५ सय ४० जनामा कोरोना संक्रमण पुष्टि भएको छ भने ६ हजार ३ सय ५९ जना संक्रमण मुक्त भएका छन् । स्वास्थ्य तथा जनसंख्या मन्त्रालयका अनुसार पछिल्लो २४ घन्टामा १३ हजार १ सय ४५ नमूना परीक्षण गर्दा सो संख्यामा संक्रमण पुष्टि भएको हो ।

योसँगै देशभर सक्रिय संक्रमितको संख्या ८३ हजार ९९९ जना पुगेको छ । पछिल्लो २४ घण्टाको कूल पीसीआर परीक्षण गर्दा ३० दशमलव ८ संक्रमण दर रहेको मन्त्रालयकी प्रवक्ता डा. संगीता मिश्राले जानकारी दिइन् ।

पछिल्लो २४ घण्टामा ६ हजार ३५९ जना कोरोना संक्रमणमुक्त हुँदा पछिल्लो चार दिनमा थप ३२ जनाको मृत्यु भएको छ । १३ माघदेखि १६ माघसम्मको चार दिनको मृत्यु संख्या थप ३२ जना प्राप्त भएको डा. मिश्राले बताइन् ।