सप्तरी – त्रिभुवन विमानस्थलबाट करिब १ महिनाअघि भन्सार कार्यालयले बरामद गरेको क्रिप्टोकरेन्सी डिभाइस ‘जफत’ गर्न प्रहरीको केन्द्रीय अनुसन्धान ब्युरोले राय दिएको छ । हङकङबाट ल्याएको डिभाइस शंकास्पद देखिएपछि त्रिभुवन विमानस्थल भन्सार कार्यालयले बरामद गरेर प्रहरीको केन्द्रीय अनुसन्धान ब्युरोलाई अनुसन्धान गरिदिन आग्रह गरेको थियो ।

अनुसन्धान गर्दा सो डिभाइस ‘क्रिप्टोकरेन्सीमा प्रयोग हुनसक्ने’ देखिएको सीआईबीका डिआईजी धिरज प्रताप सिंहले रातोपाटीलाई बताए । उनले भने–‘डिभाइस के हो ? भनेर विमानस्थल भन्सार कार्यालयले हामीलाई अनुसन्धान गर्न भनेको थियो, अनुसन्धानपछि सो डिभाइस जफत गर्न राय सहितको प्रतिवेदन बुझाएका छौँ ।’

सो सफ्टवेयरले पासवर्डलाई सुरक्षित बनाउने अनुसन्धानबाट थाहा भएको छ । पेनड्राइभ आकारका ती सफ्टवेयर भन्सार जाँच पासका क्रममा भेटिएपछि बरामद गरिएको थियो । सो डिभाइसको बाहिर लेखिएको थियो – ‘डिजिटल वालेट ।’