सप्तरी – जर्मनीको हाइडलबर्ग सहरमा एक बन्दुकधारीले गरेको अन्धाधुन्ध आक्रमणमा एकजनाको मृत्यु भएको छ।

बीबीसीका अनुसार आक्रमणमा चारजना मानिसहरु घाइते भएका थिए। त्यसमध्ये उपचारको क्रममा एकजनाको मृत्यु भएको हो।

प्रहरीका अनुसार यो घटना हाइडलबर्गस्थित एक युनिभर्सिटीको लेक्चर हलमा भएको हो र आक्रमणकारीको पनि मृत्यु भएको छ।

आक्रमणकारीले यो घटना गराइसकेपछि आत्महत्या गरेका थिए। यो आक्रमणको उद्देश्य के थियो भन्ने खुल्न सकेको छैन।

सञ्चारमाध्यमहरुमा उल्लेख गरिएअनुसार आक्रमणकारी यनिभर्सिटीका विद्यार्थी थिए।

आक्रमणमा कुनै पनि राजनीतिक कारण नरहेको समाचारमा उल्लेख छ। जर्मनीमा बन्दुक राख्नेसम्बन्धी निकै कडा कानुन छ।