सप्तरी – सप्तरीको रुपनी गाउँपालिका वडा नं.१ नकटीरायपुर टोलमा पोखरीमा डुबेर एक बालकको मृत्यु भएको छ ।
स्थानीय अबधी राम यादबका ६ बर्षिय छोरा युबराज कुमार यादबको पोखरीमा डुबेर मृत्यु भएको हो । आफ्नै घरको छेउमा रहेको मुखिलाल यादवको माछा पोखरीमा बच्चाहरु संग खेल्ने क्रममा उक्त पोखरीमा डुबेर मृत्यु भएको जिल्ला प्रहरी कार्यालय सप्तरीका डिएसपी एवं प्रवक्ता मात्रव प्रसाद काफलेले जानकारी दिए । पोखरीमा डेबर घाईते बालकको उपचारको लागी अस्पताल तर्फ ल्याउने क्रममा बाटैमा मृत्यु भएको प्रहरीले जनाएको छ ।
यता मृतक बालकको शव हाल पोष्टमार्टमको लागी राजबिराज स्थित गजेन्द्र नारायण सिंह अस्पताल पठाईएको तथा घटनाको थप आवश्यक अनुसन्धान कार्य भईरहेको सप्तरी प्रहरीले जनाएको छ ।