झापा – झापाको भद्रपुरमा शुक्रवार भएको सवारी दुर्घटनामा परी दुईजनाको मृत्यु भएको छ।

उक्त दुर्घटनामा परि एकजना घाइते भएका छन्। जिल्ला प्रहरी कार्यालय झापाका अनुसार घाइतेको अवस्था गम्भीर छ।

भद्रपुर – १ सगरमाथा चोकको ओरालोमा शुक्रबार दिउँसो साढे २ बजे भएको दुर्घटनामा परि भद्रपुर-१ हिमाली चोक निवासी ३८ वर्षीया छविमाया लिम्बू र सोही ठाउँका करिव ४० वर्षीय डम्वरबहादुर लिम्वुको मृत्यु भएको प्रहरीले जनाएको छ।

टेम्पोमा सवार सोही ठाउँका ४२ वर्षीय वीरबहादुर लिम्बुको गम्भीर अवस्थामा उपचार भइरहेको प्रहरीले जनाएको छ।

भद्रपुरको ज्ञानेचोकबाट बनियानीतर्फ गइरहेको मे १ त २८२१ नम्वरको ट्र्याक्टर र दक्षिणबाट उत्तरतर्फ आउँदै गरेको मे १ ह ६४१ नम्वरको टेम्पो एकआपसमा ठोक्किएर दुर्घटना भएको हो।

दुवै सवारी साधन प्रहरी चौकी पृथ्वीनगरको नियन्त्रणमा छन्।