पश्चिम नवलपरासीमा लागु औषधसहित एक युवक पक्राउ परेका छन् । पक्राउ पर्नेमा सरावल गाउँपालिका बड्सारेका २२ वर्षीय शिव चन्द्र कोइरी रहेको जिल्ला प्रहरी कार्यालयका सूचना अधिकारी डिएसपी राजु लामाले जानकारी दिनुभयो ।
इलाका प्रहरी कार्यालय बर्दघाट र गोवरहिया प्रहरी चौकीबाट खएिको संयुक्त टोलीले सरावल गाउँपालिका–३ पिपरामौवाबाट कोइरीलाई पक्राउ गरेको हो ।इल त्भकत ब्उबअजभ मोटरसाईलकलाई चेकजाँच गर्ने क्रममा लेगगार्डमा झुण्डाएको बोराको झोला भित्र आलुसँगै लुकाई राखेको नुफिन ३ सय २० एम्पुल, फेनारागन ३ सय २० एम्पुल र डाईजापाम ३ सय २० एम्पुल लागुऔषध फेला परेको डिएसपी लामाले बताउनुभयो ।
साथै सरावल गाउँपालिका–७ बुलन्दपुरबाट प्रहरीले ९४ हजार ७ सय मुल्य बराबरको विभिन्न मोवाईल तथा मोवाईलका पाटपूर्जा बरामद गरेको छ । सिमा प्रहरी चौकी महेशपुरबाट खटिएको टोलीले भारतबाट अवैध रुपमा ल्याउँदै गरेको सामान बरामद गरेको डिएसपी लामाले जानकारी दिनुभयो । बरामद गरिएका सबै सामान आवश्यक कारवाहीका लागि महेशपुर भन्सार कार्यालय बुझाइएको प्रहरीले जनाएको छ ।