०५ फाल्गुण २०८१, सोमबार
wait Please...

KChhaKhabar

शनिबार, आषाढ २६, २०७८

धनुषा – प्रधानमन्त्री कृषि आधुनिकीकरण परियोजनाले धनुषाका किसानलाई अनुदानमा ट्याक्टर उपलब्ध गराएको छ । धान जोनका ५ कृषि समूहलाई प्रधानमन्त्री कृषि आधुनिकीकरण परियोजना कार्यान्वयन इकाइ धनुषाले ५० प्रतिशत अनुदानमा ट्याक्टर उपलब्ध गराएको हो ।

मजदुर अभाव हुन नदिन किसानलाई अधिकतम प्रयोग हुने ट्याक्टर अनुदानमा उपलब्ध गराएको परियोजना कार्यान्वयन इकाइ धनुषाका प्रमुख युगलकिशोर तिवारीले बताए । प्रधानमन्त्री कृषि आधुनिकीकरण परियोजनाले धनुषामा धान सुपर जोनलाई केन्द्रित गर्दै धान उत्पदान गर्ने कृषक समूहलाई १२ लाख ८० हजार पर्ने ट्याक्टरमा ६ लाख ४० हजार रुपैयाँ अनुदान उपलब्ध गराएको उनले जानकारी दिए ।‘धान खेती गर्ने किसानले खनजोत, ढुवानी, थ्रेसिङ र रोपाइँका लागि प्रयोग गर्न सक्छन्,’ उनले भने, ‘मजदुर अभावमा धान खेती प्रभावित भएको छ । धान जोनका किसानलाई ट्याक्टरले मजदुरको समस्या केही हदसम्म समाधान गर्नेछ । धनुषामा धान जोन कार्यक्रम ल्याएर चैते धान खेती फस्टाएको छ ।’ प्रधानमन्त्री कृषि आधुनिकीकरण परियोजनाले किसानलाई धान रोप्नेदेखि काट्ने मेसिन उपलब्ध गराउने तयारी भइरहेको प्रमुख तिवारीले बताए ।

कृषक समूहहरूसँग आवेदन माग गरी मूल्यांकन समितिको सिफारिसमा कमला नगरपालिकाको लीलावती कृषक समूह, हंसपुरको राजदेवी कृषक समूह, सहिदनगर नगरपालिकाको रामजानकी कृषक समूह, औरही गाउँपालिकाको कृष्णा कृषक समूह र श्रवण कृषक समूहलाई ट्याक्टर उपलब्ध गराइएको छ ।

तपाईको प्रतिक्रिया
सम्बन्धित खबरहरु
हाम्रो बारेमा

शम्भुनाथ मिडिया हाउस प्रा.लि. द्वारा संचालित kchhakhabar.com अनलाईन पत्रिकाले जनता को हक र आवाजको रुपमा आफ्नो सामाचार सम्प्रेषण गर्ने छ।

सूचना तथा प्रसारण विभाग : २०७७/०७७-७८

कम्पनी दर्ता                       :  २४११११

आधिकारिक जानकारीका लागि सम्पर्क:9804041401

टिमहरु

अध्यक्ष /प्रकाशक :बिवेकानन्द यादब (निखिल राउत)

प्रधान सम्पादक:शंंकर यादब

सम्पादक         : जय कामत

सह- सम्पादक: अनवर अलि

सल्लाहकार  : आयुष श्रेष्ठ ,बिष्णु यादव

सम्पर्क

ठेगाना :- रुपनी,सप्तरी ,मधेश प्रदेश
सम्पर्क: -९८०४०४१४०१
बिज्ञापनकालागि: -९८०४०४१४०१
इमेल [email protected]