काठमाडौं – शुक्रबार राति पुनः मेलम्ची खोलामा आएको बाढीले हेलम्बु गाउँपालिकामा रहेको इलाका प्रहरी काार्यालय ढलेको छ ।
भवनसँगै केही सामानहरू पनि बगाएको इप्रकामा कार्यरत हबल्दार इन्द्र अधिकारीले जानकारी दिए ।पहिलो दिन सोही प्रहरी चौकीको भान्सा र सौचालय ढालेको थियो । तर, शुक्रबार रातिको बाढीले त पूरै भवन नै ढलेको अधिकारीले जानकारी दिए । केही महत्वपूर्ण सामानहरू भने पहिल्यै नै सुरक्षित स्थानमा सारिएको थियो । उक्त सामग्रीहरु अहिले स्थानीयको घरमा राखिएको छ ।
त्यसैगरी शुक्राबारको बाढीले ग्याल्थुम बजारस्थित इस्ट प्वाइन्ट एकेडेमी नामक बोर्डिङ स्कुलको भवन पनि ढालेको स्थानीय तथा एमाले बागमती प्रदेश कमिटी सदस्य हस्त पण्डितले जानकारी दिए ।