काठमाडौँ – प्रधानमन्त्री केपी शर्मा ओलीले पत्रकार सम्मेलन गर्ने भएका छन् । प्रधानमन्त्रीका प्रेस सल्लाकार सूर्य थापाका अनुसार शुक्रबार साढे १२ बजे पत्रकार सम्मेलन हुँदैछ ।

समसामयिक विषयमा नै पत्रकार सम्मेलन हुन लागेको थापाले बताए ।प्रधानमन्त्रीको अनुरोधमा बिहीबार राष्ट्रपति विद्यादेवी भण्डारीले संविधानको धारा ७६ को उपधारा ५ बमोजिम नयाँ सरकार गठनका लागि आह्वान गरेकी छिन् ।प्रधानमन्त्री पदमुक्त नहुँदै राष्ट्रपतिले नयाँ सरकार गठनका लागि आह्वान गरेपछि विपक्षी दलहरुले आपत्ति जनाइरहेका बेला ओलीले पत्रकार सम्मेलन गर्न लागेका हुन् ।

पत्रकार सम्मेलनको प्रत्यक्ष प्रसारण पनि हुने थापाले जानकारी दिए । राष्ट्रपति प्रतिनिधिसभा सदस्यहरूलाई शुक्रबार साँझ ५ बजेसम्मको समय दिएकी छन् ।