सप्तरी – सप्तरीमा आज बिहान एक सवारी दुर्घटनामा एक दम्पतीको मृत्यु भएको छ।

सप्तरीको हनुमाननगर कंकलिनी नगरपालिका ३ स्थित ४५ वर्षीय सत्य नारायण मण्डल र उनकी पत्नी ४० वर्षीया सुनिता देवी मण्डलको मृत्यु भएको सप्तरी प्रहरीले जनाएको छ।

पश्चिम बाट पूर्वतिर आउदै गरेको ना ६ ख ३८६१ नम्बरको ट्रकले बिपरित दिसा तर्फ जादै गरेको साइकललाई ठक्कर दिँदा दुर्घटना भएको थियो।

घाइते भएका दुबै लाई स्थानीय अस्पताल भारदहमा लैजाँदै गर्दा बाटोमै मृत्यु भएको जिल्ला प्रहरी कार्यालयका प्रहरी नायब उपरीक्षक माधवप्रसाद काफ्लेले बताए। प्रहरीले ट्रकका चालकलाई गिरफ्तार गरी गाडीलाई नियन्त्रणमा लिएको छ।