नेकपा माओवादी केन्द्र र जनता समाजवादी पार्टी (जसपा)का नेताहरुबीच भेटवार्ता भएको छ ।

माओवादी केन्द्रीय कार्यालय पेरिसडाँडामा दुई पार्टीका नेताहरुबीच छलफल भइरहेको हो । जसपा अध्यक्ष महन्थ ठाकुर र वरिष्ठ नेता राजेन्द्र महतो भेटवार्ताका लागि पेरिसडाँडा पुगेका थिए ।भेटमा सरकार गठनकाबारेमा छलफल हुने स्रोतको भनाइ छ ।मंगलबार बसेको स्थायी कमिटी बैठकले सरकारका बारेमा कांग्रेस र जसपाबीच छलफल गर्ने निर्णय गरेको थियो भने आजै बसेको बैठकले अध्यक्ष प्रचण्ड र प्रवक्ता नारायणकाजी श्रेष्ठलाई वार्ता गर्ने जिम्मेवारी दिएको थियो ।यसैबीच बुधबारै नेकपा एमालेका नेताहरुले पनि जसपाका नेताहरुसँग भेटवार्ता गरेका थिए ।सरकार सञ्चालनका लागि अहिले जसपा निर्णयक देखिएको छ । जसपासँग ३६ सांसद भएपनि अहिले ३४ जना छन् ।

नेकपा एमालेले जसपासँग गठबन्धन गर्यो भने सरकार बन्ने र नेपाली कांग्रेस, माओवादी केन्द्रले पनि जसपासँग गठबन्धन गर्यो भने सरकार बन्ने अवस्था बनेपछि उ निर्णयक बनेको हो ।